Popular Bible Verses from Éxodo 2

Share

Deus escoitou o seu pranto, lembrou o seu pacto con Abraham, con Isaac e con Xacob, fixouse nos israelitas, recoñeceu os seus sufrimentos.

Pasado moito tempo, morreu o rei de Exipto. Os israelitas queixábanse e berraban na súa servidume, e os seus xemidos subiron onda Deus.

Cando o neno era xa grande, levoullo á filla do faraón, que o adoptou coma seu fillo. Púxolle por nome Moisés, dicindo: —"Das augas o saquei".

Díxolle a filla do faraón: —"Leva este neno e críamo; pagareiche o debido". Ela colleu o neno e criouno.

Baixou a filla do faraón para se bañar no río e, mentres as súas doncelas paseaban polas beiras, viu a cesta na xunqueira e mandou á súa serva que a trouxese.

Cando Moisés era xa grande, foi un día visitar a seus irmáns, e atopounos coas súas cargas. Viu tamén que un home exipcio batía nun hebreo de entre seus irmáns. Mirou para un lado e para o outro, e certificando que non había ninguén, matou ó exipcio e enterrouno na area.