Popular Bible Verses from Efesios 4

Share

máis ben sede bondadosos e misericordiosos uns cos outros, perdoándovos mutuamente, coma Deus vos perdoou en Cristo.

con total humildade, sinxeleza e paciencia, aturándovos uns a outros con amor

Que non saia da vosa boca unha palabra ruín: ó contrario, a palabra boa, para a edificación no momento preciso, para que faga ben ós que escoitan.

Arredade de vós toda retranca, carraxe, ira, berros ou aldraxes e calquera outra maldade

Anoxádevos, pero non cheguedes a pecar: que o solpor non vos colla no voso incomodo, nin lle deades entrada ó demo.

isto é, que vos ispades do home vello da vida anterior, que vai esmorecendo, seducido polas súas arelas; que cambiedes a vosa actitude mental, e que vistades o home novo, creado a imaxe de Deus, na xustiza e na relixiosidade auténticas.

esforzándovos por manter a unidade do espírito no vínculo da paz.

E a uns fíxoos apóstolos; a outros, profetas; a outros, mensaxeiros do Evanxeo; e a outros, pastores e mestres, para fornecer cristiáns cara á tarefa do ministerio, para a edificación do corpo de Cristo, Ata que todos academos a unidade na fe e no coñecemento do Fillo de Deus, a madurez do home perfecto, o desenvolvemento propio da plenitude de Cristo.

Así xa non seremos nenos, batidos e levados á deriva polas ondas de calquera corrente de doutrina, á mercé do engano dos homes e de argucias demagóxicas, senón que, sendo auténticos no amor, medraremos en todo cara a Aquel que é a cabeza, Cristo.