Popular Bible Verses from Qohélet (Eclesiastés) 7

Share

Non te alporices axiña, que a xenreira acouga no colo dos necios.

Cando veñan ben dadas, goza! Cando veñan malas, cavila! Tanto unhas coma as outras fíxoas Deus, de sorte que o home non descubra nada do seu futuro.

Mellor é o remate dun asunto có comezo; mellor é a paciencia cá fachenda.

Abofé, non hai na terra home tan perfecto que faga sempre o ben e nunca erre.

Abofé: "Sombra da Sabedoría, sombra do diñeiro", mais cunha vantaxe: que o coñecer a Sabedoría fai vivir a quen a posúe.

"Máis vale unha boa sona do que un perfume caro" e "o día da morte có dia de nacer".

É preferible ter que escoitar a reprensión dun sabio que soportar os cantos dos alpabardas

"Mellor é ir a un velorio que ir a unha casa en festa". Alí se atopa un coa fin de todo home, e a quen aínda vive dálle en que matinar.

"A reflexión dos sabios acouga na casa en loito; mais a arela dos parvos, onde haxa troulada".