Popular Bible Verses from 1 Tesalonicenses 5

Share

Estade sempre alegres. Orade constantemente. Dade grazas en todas as ocasións: que isto é o que Deus quere de vós coma cristiáns.

Que o Deus da paz vos santifique totalmente: que todo o voso ser espírito, alma e corpo se conserve indemne na Parusía do noso Señor Xesús Cristo. Pois o que vos chama é fiel, e hao facer.

Mirade que ninguén lle devolva a ninguén mal por mal; polo contrario, procurádevos sempre o ben uns ós outros, e a todos.

Polo tanto, aconselládevos e confortádevos uns a outros, como xa o facedes.

Exhortámosvos tamén, irmáns, a que fagades entrar en razón ós inconstantes, que lles deades azos ós abatidos, que coidedes dos febles e que teñades paciencia con todos.

Pois non nos destinou Deus á ira, senón á consecución da salvación polo noso Señor Xesús Cristo

xa que todos vós sodes fillos da luz, fillos do día: non somos da noite nin das tebras.