Popular Bible Verses from 1 Corintios 15

Share

Así que, meus irmáns queridos, mantédevos firmes e inabalables; aplicádevos cada vez máis á obra do Señor, sabendo que os vosos esforzos coma cristiáns non son en balde.

Pero deámoslle as grazas a Deus, que El nos dá a vitoria por medio do noso Señor Xesús Cristo.

Non vos deixedes enganar, "malas compañías estragan bos costumes".

pero pola graza de Deus son o que son, e esa graza que fixo comigo non ficou baleira. O contrario, traballei máis ca todos eles; aínda que non precisamente eu, senón a graza de Deus que está comigo.

Morte, u—la túa vitoria? Morte u—lo teu aguillón? O aguillón da morte é o pecado e a forza do pecado é a Lei.

Vouvos revelar un misterio: non todos imos morrer, pero todos nos imos transformar; nun instante, nun pechar os ollos, ó toque da derradeira trompeta. Pois soará a trompeta e os mortos resucitarán incorruptibles e nós apareceremos transformados.

Porque xa que por un home entrou a morte, tamén por un home chegou a resurrección dos mortos. Igual que todos morren por Adam, así tamén por Cristo todos revivirán.

É necesario que isto corruptible se revista de incorrupción e que isto mortal se revista de inmortalidade.

Porque é necesario que El reine ata que poña a todos os seus inimigos por debaixo dos seus pés. A morte será o derradeiro inimigo destruído