Popular Bible Verses from 1 Crónicas 16

Share

Acudide a Iavé e á súa forza, buscade sempre o seu rostro!

Dade grazas a Iavé porque é bo, porque é eterna a súa misericordia.

—"Loade a Iavé, invocade o seu nome! Pregoade ós pobos as súas fazañas!

Gloriádevos no seu santo nome! Alégrese o corazón dos que procuran a Iavé!

Lembrádevos das marabillas que fixo, dos seus prodixios, dos xuízos da súa boca!

Cantádelle, cantade salmos na súa honra! Dade a coñecer todos os seus portentos!

Porque Iavé é grande, digno de toda loanza, temible sobre todos os deuses.

Dade gloria ó nome de Iavé! Traede ofrendas, vinde visitalo, adorádeo no adro sagrado!

Maxestade e magnificencia sexan perante El, fortaleza e beleza na súa morada.

Cantade a Iavé, homes de toda a terra, pregoade, un día e outro, a súa salvación!

Pregoade a súa gloria entre as xentes, os seus prodixios a todos os pobos!

Non toquedes os meus unxidos, non fagades mal ós meus profetas.

Porque os deuses dos pobos son ídolos, pero Iavé é o facedor dos ceos.

Lémbrase sempre da súa alianza, das promesas por mil xeracións

Alédese o ceo e exulte a terra, pregóese entre as xentes: "Iavé reina!".

Bendito sexa Iavé, Deus de Israel, por toda a eternidade!". E todo o pobo respondeu: —"Amén! Aleluia!"

Familias dos pobos, aclamade a Iavé, dade a Iavé honra e gloria!