Popular Bible Verses from फिलिप्पियों 3

Share

ओ मेरे संगी विश्वासियों, मैं ए नी सोचदा कि मैं सिद्वता जो पाई चुके रा है, पर सिर्फ ए ही इक्क चीज करदा कि जे पीच्छे री गल्लां जो भुल्ली करी अपणी मंज़िल रे पास्से अग्गे जो बदधा रैहन्दा। उस मंजिल तांइ लगातार कोसीस करदा कि मेरे परमेश्वर का स्वर्ग बिच जाणे रा से ईनाम मिल्लो जिस तांइ परमेश्वर ने असा जो मसीह यीशु रे कम्म री वजह कने चुणे रा है

मैं ए चाह्‍ंदा कि मैं मसीह जो जाणी लेयां ते तिन्हेरी तिस मरे रे बिच का जी उठणे री ताकत रा अनुभव करां जिस कने से फिरी जिन्दे होई गे थिये, ते तिन्हेरे सांई दुख सैह्णे ते तिन्हेरे सांई बणने ते तिस्सी तरिक्के कने मरणे रे जरिये जिय्यां से मरे थिये। ताकि मैं भी मरे रे लोक्कां बिच का वापिस फिरी जिन्दा कित्तेया जां।

जे अगर मैं मसीह यीशु जो अप्पु जानणे रे मुल री तुलना बाकि चीजां कने करां, तां मैं बाकि सारी चीजां जो बेकार समजदा, ते इसी वजह कने मैं हर तिस चीज जो छड्डी रख्खेया ते मैं तिन्हा चीजां जो कचरा समजदा। ताकि मैं मसीह यीशु रे हुकमां जो जादा ठीक तरिक्के कने मन्नी सकां।

पर इक्क समय पर मैं तिन्हा सारी चीजां जो बड़ा जरुरी समजदा थिया पर अवे तिसजो मैं मसीह रे तिन्हा कम्मां जो दिखणे रे बाद जे तिन्हा ने मेरे तांइ कित्ते री हिन, तिन्हा चीजां जो बेकार समजदा।