Popular Bible Verses from प्रेरितां रे कम्म 11

Share

ते जां तिन्हा कने मिल्लेया तां से तिन्हा जो अन्ताकिया सहर लेई आया, ते इय्यां होया कि पौलुस ते बरनबास इक्क साल तांइ कलीसिया कने मिलदे ते बड़े जणेया जो मसीह यीशु रा उपदेस दिंदे रे, ते चेल्लेया बिच सबका पैल्ले अन्ताकिया बिच मसीही बोल्लेया गेया।

से तित्ते पूज्जी करी परमेश्वर रे अनुग्रह जो दिख्खी करी बड़ा खुस होया ते सब जो शिक्षा दित्ती की तन मन लगाई करी प्रभु यीशु कने लिपटी रेयो, बरनबास इक्क भला मणू थिया, ते पवित्रात्मा रे वस बिच थिया, ते बड़े मणूआं ने प्रभु जी जो अपणाया

हलांकि तिन्हा जो भी से ही दान मिल्लेया, जे असा जो मसीह यीशु पर विश्वास करणे रे जरिए मिल्लेया थिया, तां मैं कुण है जे परमेश्वर जो रोकी सकदा? ए सुणी करी, यहूदी विश्वासी चुप रे, ते परमेश्वर री बड़ाई करी के बोलणा लगे, तां परमेश्वर ने गैर यहूदियां जो भी हमेसा री जिन्दगी बिच तांइ अपणे पाप्पां का तौबा करणे ते मसीह यीशु पर विश्वास करणे रा मौक्का दित्ता।