Popular Bible Verses from Titus 2

Share

Awit kawelasané Gusti Allah sing nylametké manungsa kabèh kuwi wis kebukak. Kuwi mulangi marang kita, supaya kita ninggal dalan nyasar lan kepénginan kadonyan lan supaya kita urip karo wityaksana, adil lan ngabekti ing ndonya saiki iki.

Sak njeruhné ngentèn-entèni kaleksanané pengarep-arep kita sing kebak berkah keslametan lan tekané kamulyané Gusti Allah sing Mahaluhur lan Juruslamet kita Yésus Kristus. Yésus Kristus wis masrahké uripé kanggo kita lan ngluwari kita sangka sak kabèhé sing ala lan nyutyèkké dadi umat duwèké Piyambak, sing sregep ing penggawé betyik.

Kowé déwé dadia tulada ing bab nindakké penggawé betyik. Enggonmu mulangi karo tyara jujur lan temen, tetembunganmu sing bener lan tanpa tyiri, terus wong sing nglawan pada dadi kisinan, awit ora ana perkara-perkara ora betyik sing kena kanggo ngèlèk-èlèk kita.