Popular Bible Verses from Wulang Bebasan 26

Share

Enggonmu nyauri marang wong bodo aja miturut kabodoané, supaya kowé déwé aja dadi pada karo wong kuwi. Enggonmu nyauri marang wong bodo kudu kaya kabodoané, supaya wong kuwi aja rumangsa pinter.

Kaya asu sing mbalèni utah-utahané, kaya mengkono wong bodo enggoné mbolan-mbalèni kabodoané.

Yèn kayuné entèk, geni mati, yèn si tukang seneng ngarani ala ora ana, tukaran sirep.

Sapa sing ngeduk juglangan bakal ketyemplung déwé, lan sing ngglundungké watu, watuné bakal bali nibani awaké déwé.

Yèn kowé weruh wong sing rumangsa pinter, pengarep-arepé wong bodo luwih okèh tenimbangané wong kuwi mau.

Sapa sing nyampuri perkara paduné wong liyané, kuwi kaya wong sing nyandak kupingé asu sing ijik liwat.