Popular Bible Verses from Wulang Bebasan 16

Share

Kabèh penggawému dipasrahké marang GUSTI, mesti sak kabèhé rantyamanmu bakal kelakon.

Atiné manungsa mikir-mikirké dalané, nanging GUSTI sing nentokké mlakuné.

Tetembungan sing sedep kuwi kaya madu, rasané legi kanggo ati lan dadi ngleremké balung.

Manungsa bisa nimbang-nimbang ing sak njeruhné ati, nanging jawabané ilat kuwi asal-usulé sangka GUSTI.

Wong sing sabar kuwi ngungkuli pahlawan, wong sing bisa ngwasani awaké, kuwi ngungkuli wong sing bisa ngrebut negara.

Kementus kuwi ndisiki karusakan, lan gemunggung kuwi ndisiki ambruk.

Wong pada ngarani resik marang dalané, miturut panemuné déwé-déwé, nanging GUSTI sing njajal ati.

Sapa sing nggatèkké tembungé bakal nemu sing betyik, lan rahayu wong sing pertyaya marang GUSTI.

Luwih betyik pametuné setitik karo sing bener, tenimbangané pametuné okèh tanpa keadilan.

Ana dalan sing dikira bener karo wong, nanging pungkasané nuju ing pati.

Wong sing ora jujur ndadèkké tukaran, lan wong sing seneng ngarani ala kuwi misahké kantya jajiné.