Popular Bible Verses from Wulang Bebasan 15

Share

Semauran sing alus ngleremké nesu, nanging tembung sengak nukulké nesu.

Wedi lan ngajèni marang GUSTI kuwi piwulang sing nuntun marang kawityaksanan, lan andap asor kuwi wiwitané kajèn.

Ilat sing alus kuwi wité panguripan, nanging ilat goroh nggawé tatuné ati.

Rantyamané bakal ora kelakon, yèn tanpa tetimbangan, nanging bakal kaleksanan yèn dibarengi juru rembuk okèh.

Ati seneng nyumringahké praupan, nanging ati sing sedih ngendokké semangat.

Mripaté GUSTI kuwi nyawang ing sak enggon-enggon, weruh wong ala lan wong betyik.

Luwih apik barang setitik sing dibarengi wedi lan ngajèni marang GUSTI, tenimbangané karo kasugihan okèh sing dibarengi sumelang.

Wong brangasan ndadèkké tukaran, nanging wong sabar ngendek wong sing padu.

Atiné wong bener nimbang-nimbang semauré, nanging tutuké wong duraka mbludak sing ala.