Popular Bible Verses from Matius 28

Share

Mulané pada lungaa, sak kabèhé bangsa pada dadèkna murid-Ku, lan baptisen ing asmané sang Bapak, sang Putra lan sang Roh Sutyi lan pada wulangana netepi sembarang sing wis tak wulangké marang kowé kabèh. Ngertia, Aku ngantyani kowé ing saben dina, nganti tekan pungkasané jaman.”

Yésus terus nyedaki para muridé lan ngomong: “Sak kabèhé pangwasa ing swarga lan ing bumi wis dikèkké marang Aku.

Nanging mulékat mau ngomong marang wong-wong wadon kuwi: “Kowé aja pada wedi, awit aku ngerti, kowé pada nggolèki Yésus sing dipentèng kuwi. Panjenengané ora ing kéné, awit wis tangi, kaya sing wis diomongké. Pada mrénéa, delengen panggonané Panjenengané diglétakké.

Yésus terus ngomong marang wong-wong wadon kuwi: “Aja pada wedi. Pada lungaa, ngekèki kabar marang sedulur-sedulurku supaya pada menyang Galiléa, ing kana bakal pada weruh Aku.”

Lan sakwisé ngumpul karo para pinituwa lan nggawé putusan, terus pada ngekèki duwit okèh marang para suradadu, lan tembungé: “Kowé pada ngomonga ngéné, ‘Ing wantyi mbengi para muridé pada teka nyolong layoné, nalika kita pada turu.’ Nanging yèn perkara iki dikrungu karo gubernur, kita bakal pada ngomong panjenengané, supaya kowé ora nemu kangèlan.” Bareng wis pada nampani duwité, para suradadu terus pada nglakoni kaya enggoné pada dikongkon. Lan nyeritakné kuwi kasebar ing antarané wong Ju nganti saiki.