Popular Bible Verses from Matius 27

Share

Kira-kira jam telu, Yésus mbengok banter: “Eli, Eli, lama sabaktani?” Tegesé: Duh, Gusti Allah Kula, Gusti Allah Kula, kenèng apa Panjenengan ninggalké Kula?

Ing kono geberé Griya Sutyi suwèk dadi loro wiwit sangka nduwuré nganti tekan ngisor, lan ana lindu, lan puntuk-puntuk pada ambruk, uga kubur-kubur pada menga, lan okèh para sutyi sing wis pada mati, pada ditangèkké.

Yésus terus mbengok banter, terus masrahké nyawané.

Penggedéné para suradadu lan para sing njaga Yésus bebarengan pada ngrasaké lindu lan weruh apa sing wis kelakon, pada banget wediné lan pada ngomong ngéné: “Tenan Panjenengané kuwi Putrané Gusti Allah.”

Wiwit jam rolas nganti tekan jam telu ana pepeteng sing nutupi sak tanah kabèh.

Pilatus takon menèh: “Yèn mengkono apa sing kudu tak tindakké kanggo Yésus sing disebut Kristus kuwi?” Kabèh pada ngomong: “Wong kuwi kudu dipentèng!” Nanging Pilatus ngomong: “Ala apa sing wis ditindakké wong iki?” Nanging wong okèh kuwi mundak banter mbengoké, tembungé: “Wong kuwi kudu dipentèng!”