Popular Bible Verses from Yosua 1

Share

Aku wis ngomong marang kowé: sing tatak lan kendel! Aja wedi lan semplak, awit GUSTI, Gusti Allahmu nunggal karo kowé ing sak paran-paranmu.”

Kowé aja lali ngomongké kitab Torèt iki, resepana awan lan wengi, supaya tumindakmu ngati-ati miturut karo sing ketulis ing kitab kuwi, awit karo tyara mengkono mlakumu mesti bakal olèh gawé lan kowé bakal olèh kabekjan.

Mung waé kowé sing tatak lan kendel, tumindaka karo ngati-ati miturut angger-angger sing wis dipréntahké abdi-Ku Moses marang kowé, aja nyimpang ngiwa utawa nengen sangka kuwi, supaya kowé olèh kabekjan menyanga ngendi waé paranmu.

Sakjeké uripmu bakal ora ana wong, sing bisa ngadepi ing ngarepmu; kaya enggon-Ku nunggal karo Moses, ya kaya mengkono enggon-Ku bakal nunggal karo kowé. Kowé ora bakal Tak tégakké lan Tak tinggalké.

Kowé sing tatak lan kendel atimu, awit kowé sing bakal nuntun bangsa iki supaya bisa nduwèni negara sing Tak janjèkké karo sumpah marang para leluhuré, sing bakal dikèkké marang dèwèké kabèh.

Saben panggonan sing bakal kok idek karo tlapakanmu kuwi Tak wènèhaké marang kowé kabèh, kaya sing dadi janji-Ku marang Moses.

mengkéné: “Abdi-Ku Moses wis ninggal, mulané saiki kowé budala sabrangana laut Yordan iki, kowé uga sak bangsa iki kabèh, menyang ing negara sing bakal Tak wènèhake marang wong-wong kuwi, ya kuwi marang wong Israèl.

Sakwisé Moses, abdiné GUSTI ninggal, terus ana tembungé GUSTI marang Yosua, anaké Nun, abdiné Moses

Wiwit ing ara-ara samun lan ing gunung Libanon ing sisih kana tekan ing kali gedé, ya kuwi kali Efrat, panggonané wong Hèt kabèh lan tekan ing segara Gedé ing panggonan mingslepé srengéngé, kabèh kuwi bakal dadi duwèkmu.

Sapa waé sing mbangkang marang préntah sampéyan, lan ora manut marang préntah sampéyan ing bab samubarang sing sampéyan préntahké kuwi, dèkné kudu ditibani paukuman pati. Mung sampéyan supaya sing kuwat lan tatak ing ati.”

“Kowé pada ngubengana ing tarup-tarupé lan wong-wong pada préntahana mengkéné: Pada tata-tataa sangumu, awit ing sak njeruhné telung dina kowé bakal pada nyabrang ing laut Yordan iki, lan terus ngenggoni negara sing bakal dikèkké karo GUSTI, Gusti Allahmu marang kowé dadi duwèkmu!”