Popular Bible Verses from Ibrani 4

Share

Awit tembungé Gusti Allah kuwi urip lan kuwat lan luwih landepé tenimbangané sak kabèhé pedang sing landepé kiwa-tengen. Nunjem jeru nganti misahké nyawa lan roh, ros-rosan lan sungsum; bisa ngadili pikiran lan angen-angené ati kita.

Awit kuwi hayuk pada mara karo kendel marang damparé kawelasan, supaya kita pada olèh kabetyikan lan nemu kawelasan sing njalari kita ditulungi ing wantyiné.

Awit Imam Gedé kita kuwi duduk imam gedé sing ora bisa ngrasakaké sak kabèhé keringkihané kita. Nanging malah sing pada karo kita, Panjenengané wis ngalami digoda nanging ora nggawé dosa.

Ora ana sing urip siji waé sing ketutup ing ngarepé Gusti, jalaran samubarang kabèh kétok kebukak lan ngeblak ing ngarepé mripaté Gusti, sing nuntut supaya kita pada ngekèki tanggung jawap kita.

Awit kita pada nduwé Imam Gedé, sing wis munggah ngliwati sak kabèhé langit, ya kuwi Yésus, Putrané Gusti Allah, mulané kita pada ngantepana pengaku pertyaya kita.

Mulané luwih betyik kita ngupaya mlebu ing palèrènan kuwi, supaya aja nganti ana sing tiba awit nuladani marang pambruntakan sing kaya mengkono.