Popular Bible Verses from Galatia 6

Share

Aja nganti kita jelèh enggon kita nggawé kabetyikan, awit yèn wis tekan ing wantyiné, kita bakal ngunduh, anggeré kita ora nganti kesel.

Awit sangka kuwi pumpung ijik ana kelunggaran, hayuk pada nggawé betyik marang wong kabèh, luwih-luwih marang sedulur-sedulur kita sing tunggal pertyaya.

Pada tulung-tinulunga ing nyangga kerépotan! Ya kaya mengkono kuwi enggonmu netepi angger-anggeré Kristus.

Aja pada kesasar! Gusti Allah ora kena digawé geguyon. Awit apa sing disebar karo wong, ya kuwi sing bakal diunduh.

Awit sapa sing nyebar ing dagingé, bakal ngunduh karusakan sangka dagingé, nanging sapa sing nyebar ing Roh, ya bakal ngunduh urip langgeng sangka Roh kuwi.

Para sedulur, yèn ana wong sing ketemu nglakoni panerak, kowé sing kasukman, kudu nuntun wong kuwi menyang dalan sing bener karo pikiran sing andap asor, karo njaga awakmu déwé, supaya kowé aja kena ing panggoda.

Awit yèn ana sakwijiné wong sing rumangsa yèn awaké aji, nanging babar pisan ora aji, kuwi ngapusi awaké déwé. Betyiké saben wong ngujia penggawéané déwé; terus kena mongkok ndeleng kahanané déwé lan ora ndeleng kahanané wong liyané. Awit saben wong bakal mikul tanggungané déwé.