Popular Bible Verses from Galatia 5

Share

Nanging wohé Roh ya kuwi: katrésnan, kabungahan, katentreman, sabar, kawelasan, kabetyikan, kasetian, andap-asor, bisa ngwasani uripé déwé. Ora ana angger-angger sing nglawan kuwi mau kabèh.

Maksutku ya kuwi: Mlakumu pada manuta, marang Roh, terus kowé ora nuruti kepénginané daging.

Yèn kita urip sangka Roh, urip kita uga ketuntun karo Roh

Lan sapa sing dadi duwèké Kristus Yésus, kuwi wis nyalip dagingé uga sak kabèhé hawa nepsu lan kepénginané.

Nanging penggawéané daging wis tyeta: mlaku bédang, mlaku rusuh, hawa nepsu, nyembah brahala, sulap, satru, tukaran, mèri, nesu, kepentingané déwé, padudon, tyetyongkrèhan, sengit, mendem-mendeman, pésta-pésta lan liya-liyané. Kanggo sak kabèhé kuwi kowé tak élingké - kaya sing wis tak tindakké mbiyèn - yèn sapa sing nindakké bab-bab sing kaya mengkono kuwi, ora bakal nampa warisan Kratoné Gusti Allah.

Para sedulur, kowé wis pada dityeluk, supaya merdéka, nanging aja nganti kowé nggunakké kamerdikan kuwi dadi jalaran kanggo urip pernatan kedagingan, nanging pada ladèn-ladènana karo katrésnan.

Awit kepénginané daging kuwi ora nuruti karepé Roh lan karepé Roh kuwi ora nuruti kepénginané daging - awit loro-loroné pada mungsuhan - terus kowé saben-saben ora nindakké apa sing kok karepaké.

Awit angger-anggeré Torèt kabèh kuwi ketyakup ing tembungé siji iki, ya kuwi: “Kowé trésnaa marang sak pepadamu kaya marang awakmu déwé.”

lan kita aja mendem drajat, aja pada tantang-tantangan, lan aja pada sesengitan.

Supaya kita merdéka tenan, Kristus wis merdékakké kita. Awit sangka kuwi ngadeka sing jejek lan aja gelem dipasangi pasangan dadi batur menèh.