Popular Bible Verses from Juru Kotbah 12

Share

Kanggo pungkasané sing tak krungu ya kuwi: Wedia marang Gusti Allah lan tetepana pepakon-pepakoné, awit iki kuwajipané saben wong.

Awit Gusti Allah bakal ngadili samubarang sing didelikké, sing apik lan sing ala.

Elinga marang sing nggawé kowé ing sak njeruhné ijik enom, sak durungé nemoni dina sing ala, lan taun-taun sing kok omongké mengkéné: Ing waktu kuwi aku ora nduwé kesenengan; Sak durungé srengéngé lan pepadang, mbulan lan lintang dadi peteng, lan sakwisé udan, mendungé bali menèh.

Sak durungé ranté slaka dipedot, lan dimar emas dipetyah, sak durungé kendiné diremuk ing tyedaké sumber, lan kèrèkané timba dirusak ing nduwuré sumur, uga lebu dadi lemah kaya ing wiwitan, lan rohé bali ing ngarepé Gusti Allah sing ngekèki.

Banget enggoné tanpa guna, mengkono tembungé Juru Kotbah, banget enggoné tanpa guna, kabèh kuwi tanpa guna.