Popular Bible Verses from Juru Kotbah 11

Share

Bungah-bungaha, hé wong enom, ing sak njeruhné enggonmu ijik enom, atimu bèn seneng ing waktu kowé ijik enom. Turutana kepénginané atimu lan apa sing dadi kesenengané mripatmu. Nanging ngertia, awit sangka kuwi, kowé bakal digèrèt Gusti Allah nang pengadilan!

Mulané sedih buwangen sangka atimu lan adohna kelara-lara sangka awakmu, awit enom lan nom-nomané urip kuwi, tanpa guna.

Sapa sing tansah nggatèkké angin ora bakal nyebar, lan sapa sing tansah mandeng marang mendung ora bakal ngunduh.

Kaya enggonmu ora weruh marang mlakuné angin, lan balung-balung ing wetengé wong wadon meteng, semono uga kowé ora weruh marang penggawéané Gusti Allah, sing nindakké samubarang.

Wijimu sebaren ing waktu ésuk, lan tanganmu aja kok lèrènké ing waktu soré, awit kowé ora weruh, apa sing iki utawa sing kuwi sing bakal olèh gawé, apa loro-loroné kuwi pada apiké.

Wènèhna sing dadi pandumanmu marang wong pitu, malah marang wong wolu, awit kowé ora weruh, kasangsarané apa sing bakal kelakon ing bumi.