Popular Bible Verses from Danièl 8

Share

Kekuwatané bakal ngidap-idapi, nanging ya ora kaya sing ndisik, kuwi bakal nekakké karusakan sing medèni lan apa sing ditindakké bakal kelakon olèh-gawé. Para wong sing duwèni pangwasa bakal dientèkké, semono uga bangsané wong sutyi. Awit sangka pinteré sing ngakali, enggoné ngapusi bakal olèh gawé. Sak terusé bakal dadi gemunggung lan ora kenyana-nyana okèh wong sing dadakan dientèkké; uga bakal nglawan ratuné para ratu. Nanging tanpa ditandangi karo tangané manungsa, bakal dilebur.

Sakwisé mengkono aku diomongi: “Kowé tak kandani apa sing bakal kelakon ing pungkasané bebendu, awit bab iki tumuju marang pungkasané jaman. Wedus gèmbèl lanang sing kok deleng, sing sunguné loro kuwi para ratuné bangsa Média lan Pèrsia. Nanging wedus lanang sing wuluné diwut-diwut kuwi ratu ing negara Yunani lan sunguné gedé sing manggon ing antarané matané loro mau kuwi ratu sing wiwitan.