Popular Bible Verses from Kolosé 2

Share

Kowé wis pada nampani Kristus Yésus, Gusti kita, mulané uripmu tetepa ing Panjenengané. Pada ngoyota ing Panjenengané lan dibangun ing nduwuré Panjenengané, mundak tambah-tambah kuwat pertyayamu, kayadéné sing wis diwulangké marang kowé lan atimu kebaka maturkesuwun.

Ngati-ati, aja nganti ana sing mbanda kowé nganggo ngèlmu filsafaté sing omong kosong lan miturut piwulang turun-tumurun lan roh-rohé jagat, sing ora miturut marang Kristus.

Mengkono uga kowé, senajan mauné kowé pada mati karo panerakmu lan ora sunat sak tyara lair, wis diuripké karo Gusti Allah bareng karo Panjenengané, ya kuwi sakwisé Panjenengané ngapura sak kabèhé panerak kita, karo mbatalké layang tanda utang, sing dilandesi karo katentuan-katentuané angger-angger sing ndakwa lan ngantyam marang kita. Nanging kuwi wis dilebur karo kepaku ing kayu salip.

Awit ing Panjenengané kuwi, sak wutuhé kasampurnané Gusti Allah manggon ing Panjenengané, lan kowé wis pada kebak ing Panjenengané, sing dadi sirahé sak rupané pemrintah lan pangwasa.

Awit sing mengkono, aja nganti ana wong sing ngadili kowé bab mangan lan ngombé, utawa bab dina riyaya sasi anyar lan dina sabat. Awit kuwi kabèh mung dadi ayang-ayangé apa sing bakal kelakon, nanging wujudé ya kuwi Kristus.