Popular Bible Verses from 1 Pétrus 2

Share

Nanging kowé kuwi bangsa sing dipilih, imam sing ngratoni, bangsa sing sutyi, umat duwèké Gusti Allah déwé, supaya kowé pada ngabaraké penggawéan-penggawéan gedé sing ditindakké karo Panjenengané, sing wis nyeluk kowé metu sangka pepeteng marang pepadangé sing nggumunaké.

Panjenengané déwé wis mikul dosa kita ing badan-Né ing kayu salip, supaya kita sing wis mati awit dosa, pada urip kanggo perkara sing bener. Awit sangka bilur-biluré kowé wis pada diwaraské. Awit mbiyèn kowé pada kaya wedus sing kesasar, nanging saiki wis pada bali marang Pangon lan Pamongé nyawamu.

Kowé, sing mauné duduk umaté Gusti Allah, nanging saiki wis dadi umaté, sing mauné ora pada dibetyiki, nanging saiki wis nampani kabetyikan.

Kaya bayi sing mentas lair, sing tansah kepéngin ngombé mèlek sing murni lan sing kasukman, supaya sangka kuwi pada tukul lan olèh keslametan

Hé, para sedulur sing ditrésnani, aku ngomong marang kowé, supaya kayadéné wong sing mondok lan wong mantya, pada ngedohana sak kabèhé kepénginané daging sing pada nglawan nyawamu. Nduwénana urip sing apik ing tengahé bangsa-bangsa sing ora kenal marang Gusti Allah, supaya yèn kowé diarani nindakké ala, wong-wong kuwi pada weruh penggawéanmu sing betyik, terus ngluhurké Gusti Allah ing dina nalika Panjenengané nekani wong-wong mau.

Lan bèn kowé ya pada migunani kayadéné watu urip kanggo mbangun Griya kasukman kanggo imam sing sutyi, kanggo masrahké pisungsung kasukman, sing awit Yésus Kristus njalari senengé Gusti Allah.

Awit sangka kuwi, sak kabèhé sing ala lan sak rupané goroh, sak kabèhé lamis, sengit, uga pitenah pada buwangen.

Pada tekaa marang Panjenengané, watu sing urip kuwi, sing pantyèn ditampik karo manungsa, nanging sing dipilih lan dihurmati ing ngarepé Gusti Allah.

Uripa kayadéné wong merdéka, aja kaya wong sing nylèwèngké kamerdikan kuwi kanggo nutupi alané, nanging uripa kayadéné abdiné Gusti Allah.

Awit, sing dadi karepé Gusti Allah, ya kuwi supaya karo penggawé betyik, kowé mbungkem wong bodo sing tyetèk kaweruhé.