Popular Bible Verses from 1 Korintus 12

Share

Nanging kerjanané Roh Sutyi dikétokké ing saben wong kanggo keperluané wong kabèh.

Kowé kuwi pada dadi badané Kristus, lan siji-sijiné pada dadi pérangané.

Mulané yèn ana pérangan siji sing lara, pérangan liyané kabèh pada mèlu ngrasakaké; yèn ana siji sing kajènan, kabèh pada mèlu bungah.

Awit, sing siji dikèki karo Roh bisa guneman karo kawityaksanan, sijiné nampa pawèh bisa guneman karo kaweruh ya sangka Roh Sutyi kuwi uga. Sing siji dikèki pertyaya sing gede, ya karo Roh kuwi mau, lan sijiné nampa pawèh bisa maraské ya sangka Panjenengané uga. Sing siji nampa pawèh bisa nganakké mujijat, sijiné pawèh nubuat, sijiné menèh pawèh mbédak-mbédakké apa sing sangka lan apa sing duduk sangka Roh Sutyi. Sing siji pawèh guneman nganggo basa roh, sijiné menèh pawèh ndunungké basa roh mau.

Nanging iki mau kabèh ditindakké karo Roh siji kuwi uga, sing ngekèki pawèh marang saben wong déwé-déwé kaya sing dikarep-Né.

supaya ing sak njeruhné badan aja nganti ana tukaran, nanging kabèh pérangan sing béda-béda kahanané kuwi malah pada rumat-rumatan.

Pawèh kasukman kuwi werna-werna, nanging Roh kuwi mung siji. Lan wujudé peladènan kuwi rupa-rupa, nanging Gusti kuwi mung siji. Uga penggawé sing nggumunaké kuwi werna-werna, nanging Gusti Allah mung siji sing nindakké samubarang ing wong kabèh.

Lan Gusti Allah wis netepaké wong ing pasamuan: sepisan dadi rasul, kaping pindo dadi nabi, kaping teluné dadi guru. Terus ana sing dikèki kapinteran nganakké mujijat, maraské, ngladèni, nuntun, lan kapinteran nggunakké basa roh.

Awit badan kuwi pérangané ora mung siji, nanging okèh.

Malah njeruhné badan sing kétoké ringkih déwé, kuwi sing dibutuhké banget.

Yèn badan sekujur kuwi mung ujut mripat, terus kupingé ing ngendi? Yèn badan sekujur kuwi mung ujut kuping, irungé ing ngendi? Nanging Gusti Allah wis mernahké pérangané badan kuwi, ing panggonané déwé-déwé ing badan, miturut kaya sing dikarep-Né. Yèn kabèh kuwi mau mung dadi pérangan siji, terus badané kuwi ing ngendi?