Popular Bible Verses from प्रकाशन 8

Share

ज़ांऊं मिम्मूं सातुई मोहर खोल्ही, स्वर्गै हुऐ थोल़ी घल़ी सोभ च़ुप्पी।

पैहलै स्वर्ग दूतै बाज़ी नाद अर तेता का निखल़ै लोहू राल़ै दै शरू अर आग, अर सह पाई पृथूई दी, अर पृथूईओ चिऊथअ निसब हुअ दझ़ी करै खतम अर चिऊथअ निसब हुऐ पृथूई दी डाल़-बूट खतम अर सारअ हरअ घाहा बी दझ़अ।

ज़ांऊं मंऐं भिई भाल़अ, मुखा शुझुई सरगै एक बडी गरल डेऊंदी, सह ती ज़ोरै-ज़ोरै इहअ बोल्दी लागी दी, “तिन्‍नां चिई स्वर्ग दूता ज़हा अज़ी नाद बाज़णीं आसा रही दी, तेता करै पल़णीं पृथूईए सोभी मणछा लै आफ़त! आफ़त! आफ़त!”

तेखअ बाज़ी दुजै स्वर्ग दूतै नाद, इहअ ज़ाण्हुंअ कि आगीए ज़ल़दी-ज़ल़दी गाड पाई समुंदरै अर समुंदरै बी हुअ पाणींओ चिऊथअ निसब लोहू ज़िहअ।

ज़ांऊं चिऊथै स्वर्ग दूतै नाद बाज़ी, एक बडअ तारअ ज़ुंण आगीए मसाल्‍लै ज़िहअ ज़ल़ा त, सह चुटअ स्वर्गा का अर सह पल़अ गाडा, नदीए चिऊथै निसबा अर पाणींए सोबल़ा दी। तेऊ तारै करै हुअ पाणींओ चिऊथअ निसब नागदौण ज़िहअ झ़रीलअ अर खास्सै मणछ मूंऐं तेऊ कल़ुऐ पाणीं झुटी करै अर तैही पल़अ तेऊ तारै नाअं “नागदौण।”

च़ौथै स्वर्ग दूतै ज़ांऊं नाद बाज़ी, सुरज़ो चिऊथअ निसब अर ज़ोथो चिऊथअ निसब अर तारे चिऊथै निसबा लै आई खरी, एतो नतिज़अ हुअ इहअ कि धैल़ी हुअ सुरज़ो प्रैश्शअ चिऊथै निसबा बराबर न्हैरअ अर राची हुई ज़ोथ अर तारे च़मक चिऊथै निसबा बराबर न्हैरी।