Popular Bible Verses from प्रकाशन 19

Share

एछा, हाम्हां हणअ नंद अर मगन, अर एऊए करनी हाम्हां ज़ै-ज़ैकार। किल्हैकि मिम्मूंओ बैह आअ नेल़, अर तेऊए लाल़ी गई तैर्हुई।

तेऊए झिकल़ै दी अर ज़ांघा आसा इहअ नाअं लिखअ द कि माहा राज़अ अर प्रभूओ प्रभू।

तेखअ भाल़अ मंऐं स्वर्ग घुआल़ी, अर तेथ कै भाल़अ कि एक शेतअ घोल़अ आसा, अर तेऊ घोल़ै प्रैंदै आसा एक शुंआर, ज़हा लै भरोस्सैमंद अर शुचअ बोला, सह करा धर्में साबै परमेशरे दुशमणो नसाफ अर तिन्‍नां संघै जुध।

तेऊए आछी आसा आगीए लुपल़ै ज़ेही अर तेऊए मुंडै आसा राज़ मुगट। तेथ आसा तेऊओ नाअं लिखअ द पर तेऊ नाओं किज़ै मतलब आसा तेतो थोघ आसा सिधअ तेऊ ई का। सह आसा लोहू करै छ़ल़िकै दै झिकल़ै बान्हीं अर तेऊओ नाअं आसा “परमेशरो बैण।”

ज़ाती-ज़ाती मारना लै निखल़ा तेऊए मुंहां का एक तिछी तलबार अर तेऊ करनअ लोहेओ राज़दंड लई करै तिन्‍नां दी राज़। सर्वशक्तिमान परमेशरा करनै आपणैं दुशमण इहै खतम ज़िहै लोग दाखो रस बणाआं। तेऊ करनी ईंयां सोभै गल्‍ला परमेशरा लै ज़ुंण सोभी प्रैंदै राज़ करा अर ज़सरअ प्रकोप तिन्‍नां लै पल़णअ किल्हैकि तिन्‍नैं किअ पाप।

सह पशू अर तेऊ संघै सह झ़ुठै गूर बी ढाकअ, ज़ुंणी तिन्‍नां सम्हनै नछ़ैण रहैऊऐ तै, ज़ेता करै तेऊ तिंयां धोखै दी पाऐ तै ज़हा दी तेऊ पशूए छ़ाप ती अर ज़ुंण तेऊए मुहुर्तीए पूज़ा करा तै, ईंयां दूई पाऐ ज़िऊंदै-ज़िऊंदै ई तेऊ आगीए समुंदरा दी ज़ुंण गंधका करै ज़ल़ा।