Popular Bible Verses from प्रकाशन 14

Share

मंऐं शूणअ स्वर्गै इहअ बोल कि एता लिख, ज़ुंण मुल्दै एभा पोर्ही प्रभू दी विश्वास करी मरा, परमेशरा दैणीं तिन्‍नां लै बर्गत। परमेशरे आत्मां बोला इहअ, हाँ, किल्हैकि तिन्‍नां भेटणअ आपणीं मैन्था का राम अर तिन्‍नें भलै कामें भेटणीं तिन्‍नां नांम।

पबित्र लोगो सबर आसा एता ई दी। ज़ुंण परमेशरो हुकम मना अर प्रभू ईशू दी विश्वास करा।

तेऊ बोलअ ज़ोरै-ज़ोरै, “परमेशरा का डरा, अर तेऊए अदर अर ज़ै-ज़ैकार करा, किल्हैकि तेऊए नसाफ हणें धैल़ी गई एछी। तेऊए च़ाकरी करा, ज़ुंणी स्वर्गै, पृथूई, समुंदर अर पाणींए सोबल़ा आसा बणाईं दी।”

तेखअ आअ तिन्‍नां दूई स्वर्ग दूता पिछ़ू एक होर चिऊथअ स्वर्ग दूत अर सह थिअ ज़ोरै इहअ बोल्दअ लागअ द, “ज़ुंण तेऊ पशूए या तेऊए मुहुर्तीए पूज़ा करा अर ज़सरै माथै अर दैहणै हाथै तेऊ पशूए छ़ाप आसा लागी दी तिन्‍नां लै दैणीं परमेशरा सज़ा। परमेशरा आसा तिन्‍नां लै भारी रोश्शै आई दी अर तेऊओ रोश्श हणअ झ़रीलै दाख रसा ज़िहअ ज़ुंण तेऊ तिन्‍नां लै आपणीं लोहदी का झुटणा लै दैणअ। तिंयां पाणै पबित्र स्वर्ग दूते सम्हनै अर मिम्मूं सम्हनै आगी अर गंधका जैंदरी चाछल़दै। “तिन्‍नें दझ़णेंओ धूँ रहणअ जुगै-जुगै लागी। ज़ुंण तेऊ पशू अर तेऊए मुहुर्तीए पूज़ा करा, अर ज़ुंण तेऊए नाओंए छ़ाप लाआ, तिन्‍नां निं राची धैल़ी च़ैन भेटणअ।”

एता बाद भाल़अ मंऐं किज़ै होर, सह थिअ इहअ कि मंऐं भाल़अ कि मिम्मूं आसा सियोन धारा खल़्हुअ द अर तेऊ संघै आसा तेऊए 144,000 मणछ, तिन्‍नें माथै दी त तेऊओ अर तेऊए बाबो नाअं लिखअ द।

तेखअ भाल़अ मंऐं एक होर स्वर्ग दूत सरगै उछ़टै दी डैऊंदअ लागअ द। तेऊ का थिअ पृथूई दी रहणैं आल़ी हर ज़ाती, हर देश, खिंब, भाषा अर सोभी लोगा लै सदा लै खुशीओ समाद।

तेखअ आअ पैहलै स्वर्ग दूता पिछ़ू एक दुजअ स्वर्ग दूत इहअ बोल्दी, “ढूल़अ, सह बाबेल ढूल़अ, ज़सरी कंज़रैईए बरैबाद करनै आल़ी झ़रीली शराब झुटी करै सोभै ज़ाती छ़ोतली हुई ती।”