Popular Bible Verses from प्रकाशन 13

Share

एता समझ़णा लै लोल़ी अक्ल। ज़हा का अक्ल आसा सह सका समझ़ी कि एऊ पशूए नंबरो कै मतलब आसा। किल्हैकि अह आसा एकी मणछो नाअं अर 666 आसा अह नंबर।

पृथूई दी तिंयां सोभै रहणैं आल़ै ज़सरै नाअं संसारा बणाणैं का आजी तेऊ मिम्मूं ज़िन्दगीए कताबा दी नांईं लिखै, तिंयां लागै तेऊ पशूए च़ाकरी अर पूज़ा करदै।

तेऊ दुजै पशू लाई ज़ोरा-ज़ोरी होछ़ै-बडै, गरीब-सेठ, गलाम-आज़ाद सोभिए दैहणै हाथै या माथै तेऊ पैहलै पशूए नाओंए मोहर। तेऊ किअ अह एते तैणीं कि कोहै मणछ निं किज़ै लई अर बेच़ी सकदअ ज़ै तेऊ दी तेऊ पैहलै पशूए नाअं या नंबर नांईं होए छ़ापअ द।

“ज़हा कैद खानै डेऊणअ, सह हणअ कैद, “ज़ुंण तलबारा करै मारे, सह बी मारनअ तलबारा करै, “पबित्र लोगो विश्वास अर सबर आसा एता ई दी।”

तेखअ भाल़अ मंऐं एक होर पशू समुंदरा का निखल़दअ, तेऊए तै दस शींग अर सात मूंड तेथ तै राज़ मुगट अर तेथ ती परमेशरा लै निंदा लिखी दी।

तेऊ पशू लै दैनअ इहअ हक कि पबित्र लोगा संघै जुध करे अर तिन्‍नां हारी पाए। तेऊ लै दैनअ हर देश, हर खिंब, हर लोग अर हर भाषा दी अर हर ज़ाती दी हक।

कई लोगा पल़अ एऊ दुजै पशू करै असर अर तिंयां पेठै इना रहैन करनै आल़ै कामां भाल़ी सत्ता का कबाता ज़ुंण एऊ पशू पैहलै पशूए शगती करै किऐ तै। संसारे सोभी लोगै बोलअ तेऊ दुजै पशू लै तेऊ पैहलै पशूए पूज़ा करने तैणीं मुहुर्ती बणाणां लै ज़ुंण तलबारे तेतरै बडै ज़खमा करै बी निं मूंअ पर सह हुअ त राम्बल़अ। तेऊ दुजै पशू लै दैनअ तेऊ पैहलै पशूए मुहुर्ती दी शाह पाणैओ हक ताकि सह बोल्दी लागे अर ज़ुंण लोग तैहा मुहुर्तीए पूज़ा नांईं करै तिन्‍नां सह पशू मारी पाए।

ज़ुंण सह एक होर पशू मंऐं भाल़अ, सह थिअ च़राघा ज़िहअ अर तेऊए खूर तै भाल्‍लू ज़िहै अर तेऊओ मुंह त सिहा ज़िहअ अर तैहा बडी दानुईं दैनी आपणीं राज़गाद्दी अर आपणअ सारअ हक अर आपणीं सारी शगती तेऊ लै।

तेऊ पशू भेटअ आपणैं बारै घमंड करनैओ अर परमेशरे निंदा करनैओ हक। एऊ कामां करनैओ हक भेटअ तेऊ बयाल़ी भिन्‍नैं तैणीं।

मंऐं भाल़अ तेऊए मुंडै एक बेघै बडअ खाढ पल़अ द, अर सह ज़ाण्हिंआं त ज़िहअ कि एतरै बडै ज़खमा करै मरनअ सह। पर सह बिज़रअ संघा हुअ ज़ाथी ताज़अ-नरोगअ! सारी पृथूईए लोगा लागअ तेता भाल़ी प्राच, अर तिंयां लागै ज़िहअ तेऊ पशू बोलअ तिहअ करदै।

तेखअ भाल़अ मंऐं एक होर पशू पृथूई का निखल़दअ, तेऊए तै होछ़ै मिम्मूं ज़िहै दूई शींग पर सह करा त तैहा बडी दानुईं ज़ेही गल्‍ला। एऊ का थिअ तेऊ पैहलै पशूओ सारअ हक अर एऊ पशू बोलअ ज़ोरा-ज़ोरी पृथूई अर तेथ दी रहणैं आल़ै सोभी मणछा का तेऊ पैहलै पशूए पूज़ा करना लै ज़ुंण सह खाढ पल़ै दै ज़खमा का नरोगअ हुअ त।