Popular Bible Verses from सैणीं गल्‍ला 3

Share

तम्हैं डाहै दिला का बिधाता दी भरोस्सअ, आपणीं समझ़े भरोस्सै निं रही। हर गल्‍ला लै लणअ बिधाता पुछ़ी, तै हेरनी तेऊ तम्हां का आज़री बात खोज़ी।

आप्पू लै निं तम्हैं इहअ समझ़ी कि तम्हैं आसा खास्सै अक्ली आल़ै, तम्हैं रहै सिधै बिधाते डरा हेठै अर बूरअ करनै का रहै दूर।

आपणीं ज़ैदात अर साल-फसला का, बिधाता लै पैहलअ अर च़ोखअ निसब दैई करै तेऊओ अदर, ज़ै तम्हैं इहअ करे, तै रहणैं थारै नाज़े भढार भरी अर कोफरी दाखो रस बी हणअ बतेर्हअ।

तम्हैं लोल़ी सदा झणैल़ू अर शुचै-पाक्‍कै रहै, तेता डाहै आप्पू का गल़े कंठी ज़ेही, अर तेता डाहै आपणैं दिलै लिखी।

लान्हैंओ, ज़ेभै बिधाता तम्हां नैरदअ लागे, तिन्‍नां गल्‍ला दी दैऐ धैन अर तेता समझ़ै आप्पू लै चतैनगी, किल्हैकि बिधाता ज़हा लै झ़ूरा, तेऊ दैआ सह नैरनीं बी ज़िहअ एक बाब आपणैं शोहरू लै झ़ूरा अर नैरा-समझ़ाऊआ।

लान्हैंओ, मेरी शिक्षा निं बिस्सरी, ज़िहअ हुंह तम्हां लै बोला तेता डाहै आद, तेता करै हणीं थारी अमर खास्सी, अर सुखी ज़िन्दगी।

बिधाता दैआ तिन्‍नां मणछा लै बर्गत ज़हा का अक्ल आसा, अर ज़हा समझ़ एछा। अक्ल आसा च़ंदी का खास्सी किम्मती, अर तेता करै हआ तम्हैं सुन्‍नैं का बी खास्सै सेठ। अक्ल आसा नमोल हार-शंगारा का बी किम्मती संसारै ज़ुंण तम्हैं च़ाहा, एता का खास्सी निं किछ़ै च़ीज़ आथी।

ज़ेतरी तेरी समरता आसा, तेऊ साबै लऐ होरीए मज़त करी ज़हा ज़रुरत आसा।

बिधाता बी बणाईं धरती अक्ली करै, आपणीं महान समझ़ा करै बणाअं तेऊ भ्रमंड।