Popular Bible Verses from सैणीं गल्‍ला 2

Share

किल्हैकि अक्ल दैआ सह बिधाता ई, अर समझ़-बुध बी दैआ सह ई।

लान्हैंओ, ज़ुंण हुंह बोला तेता डाहा आद अर मेरै बैण डाहा आपणैं दिलै च़की। ऐहा गल्‍ला शिखल़ा कि अक्ल किज़ै आसा अर एता दैआ समझ़णीं। बिधाता सेटा करा अरज़ कि सह सोर-समझ़ दैए। तेता लोल़णा लै करा एही मैन्थ, ज़िहअ कि तम्हैं आसा होए सुन्‍नैं-च़ंदी या गुप्त खज़ानै लोल़ै लागै दै। ज़ै तम्हैं इहअ करे तै लागणअ तम्हां बिधाते बारै अर तेऊओ अदर करने बारै थोघ।

ज़ुंण मणछ मानदार अर धर्मीं आसा, सह करा तिन्‍नें मज़त अर फाज़त। सह बिधाता फिरा तिन्‍नां बाखा ज़ुंण शुची पांच़ी करा, अर आपणैं भगते करा सह हेर-सभाल़।

किल्हैकि धर्मीं अर नर्दोश मणछ ई रहणैं आपणैं देशै बस्सी। पर कदुष्ट अर धोखै दैणैं आल़ै मणछ करनै, तेऊ देशा का बिधाता दूर।

सोर अर अक्ली करै बच़णैं तम्हैं पराई बेटल़ी का ज़ुंण लोभणैं आल़ी गल्‍ला करा अर ज़ुंण आपणैं मर्धा लै धोखअ दैआ, सह चोल़ा बैहे तैहा करारा ज़ुंण तैहा परमेशर सोह खाई बैहे धैल़ी किई ती।