Popular Bible Verses from सैणीं गल्‍ला 16

Share

सोभै गल्‍ला छ़ाडा बिधाता सेटा, तेऊ करनी थारी गल्‍ला सफल।

मणछ सोठा आपणैं मन्‍नैं खास्सी गल्‍ला, पर असली दी कहा बाता लागा डेऊणअ, तेता खोज़ा बिधाता आप्पै।

झणैल़ू बैण हआ मखीरा ज़िहै, सुआद बी मिठअ अर शाह बी फिरा हरअ।

मणछ सोठा कई गल्‍ला, पर ज़िभा का बैण भराऊणैं आल़अ हआ बिधाता।

बल रहैऊंणै का आसा सबर डाहणअ भलअ, अर आपणअ मन्‍न बशै डाहणअ हआ सारी नगरी ज़ितणैं का बी भलअ।

ज़हा मणछा ठोहल़ च़ाल्‍ली दी होए लागी अर ज़ुंण मणछ बरैबाद आसा हणैं आल़अ, तेता का आजी एछा तेऊ घमंड।

मणछ सोठा इहअ कि ज़ुंण तेऊ किअ सह ई आसा ठीक, पर बिधाता तोला तेऊओ मन्‍न।

ज़ुंण बोल़णैं का आजी बच़ार करा, सह हआ सफल, ज़सरअ भरोस्सअ बिधाता दी आसा, सह रहा सदा खुश।

धोखै करै खास्सी कमाई का आसा, मानदारी दी खटअ द धख ज़िहअ ई भलअ।

एक बात हआ एही बी ज़ुंण मणछा का भली ज़ाण्हिंआं, पर सह सका मौते दुआरै बी पजैल़ी।

कदुष्ट मणछ पाआ एही फुआह, ज़ेता करै आफ़त बी पल़ा अर साथ-संगत बी चुटा।