Popular Bible Verses from सैणीं गल्‍ला 15

Share

राम्बल़ै करै गल्‍ला करी हआ रोश्श बी ठांढअ, पर कल़ुई गल्‍ला पाआ होर बी खास्सअ खरोल़।

बिधातो अदर करी एछा अक्ल ई, ज़ै तम्हां अदर लोल़ी, तै लागा शरीफ हणअ।

झणैल़ू गल्‍ला करनी हआ तेऊ बूटा ज़ेही ज़ेता का ज़िन्दगी भेटा, पर उंबल़ी गल्‍ला करै हआ शाह बी धिठअ।

राम्बल़ी सलाह करै हआ हर काम सफल, एता बाझ़ी हआ सारी तरकिबा बृथा।

ज़ै दिलै खुशी हुई तेता करै सह जाआ मणछे मुंहैं शुझुई, पर ज़ै दिल चुटअ, तेता करै हआ आत्मां बी दुखी।

बिधाता हआ सारै दी भाल़अ लागअ द कि संसार किज़ै करा, सह भाल़ा हाम्हां कि हाम्हैं भलअ करा कि बूरअ।

सेठ हई आफ़ता दी पल़णै का आसा, बिधाते डरा हेठै दुखी रहणअ भलअ।

रोश्शा करै हआ झ़गल़ै पैईदा, पर सबर डाही हआ मेल़-ज़ोल़।

भलअ मणछ करा गल्‍ला करनै का आजी बच़ार, पर कदुष्ट दैआ हेरा-हेरी ज़बाब, संघा हआ आफ़त खल़ी।