Popular Bible Verses from नहेमया 2

Share

मंऐं दैनअ तिन्‍नां लै ज़बाब, “ज़ुंण परमेशर स्वर्गै आसा, तेऊ हेरनै हाम्हैं सफल करी। हाम्हैं करा तेऊए च़ाकरी अर ऐबै लाअ हाम्हैं भिई च़िणनेओ काम शुरू करी। पर थारी नां एरुशलेम नगरी ज़ैदात आथी, नां किज़ू दी हक आथी अर नां एथ थारअ इतिहास आथी।”

पर ऐबै खोज़अ मंऐं तिन्‍नां का, “तम्हैं भाल़अ आपणीं आछी कि हाम्हैं एरुशलेम केही खरी काटदै आसा लागै दै, किल्हैकि एरुशलेम नगरी आसा पठी बरैबाद हुई दी अर एते प्रऊल़ी आसा दहई-प्लुशी दी! एछा, हाम्हां च़िणनी अह नगरी भिई ताकि आजू हाम्हां शर्मिंदै नां हणअ पल़े।” तेखअ खोज़अ मंऐं तिन्‍नां का इहअ बी कि परमेशर किहअ रहअ मुंह संघै मेरी मज़त करदअ लागी अर माहा राज़ै मुल्है किज़ै बोलअ। तिन्‍नैं दैनअ ज़बाब, “च़ाल्‍ला, हाम्हां लागणअ तै ऐबै च़िणदै!” एऊ भलै कामां करना लै तैर्हुऐ तिंयां सोभ।