हाम्हैं किअ ताल्है बूरअ अर हाम्हैं निं तिहअ किअ ज़िहअ तंऐं हुकम किअ त। हाम्हैं निं तेऊ बधाने साबै ज़िन्दगी ज़िऊई ज़ुंण तंऐं आपणैं दास मोसा का दैनअ त। हे बिधाता, तूह कर तैहा गल्ला आद ज़ुंण तंऐं मोसा का बोलअ त, ‘ज़ै तम्हैं इज़राईली मुल्है विश्वास घात करे, तै छिंगणैं मुंह तम्हैं देशै-देशै। पर ज़ै तम्हैं मुंह बाखा फिरे अर ज़िहअ मंऐं हुकम किअ तिहअ ई करे, तै आणनैं मुंह तम्हैं तेखअ तैहा ज़ैगा लै बापस झाल़ी ज़ुंण ज़ैगा ज़ुंण मंऐं आपणीं पूज़ा-गाज़ा लै आसा छ़ांटी दी, च़ाऐ तम्हैं दूर देशै पृथूईए पुंझ़ै बी किल्है निं होए।’
