Popular Bible Verses from मोत्ती 21

Share

ज़ेभै तम्हैं परमेशरा का प्राथणां करी किज़ै मांगे, ज़ै तम्हैं विश्वास करे कि परमेशरा हेरनी ईंयां गल्‍ला मुल्है दैई, तै जाणीं तिंयां गल्‍ला तम्हां तेऊ का भेटी।”

ईशू दैनअ तिन्‍नां लै ज़बाब, “हुंह खोज़ा तम्हां का सत्त कि, ज़ै तम्हैं विश्वास करी बोले अर बैहम नां करे, तम्हैं सका इहअ करी ज़ुंण एऊ फेडूए बूटा संघै किअ। ज़ै तम्हैं ऐहा धारा लै बी बोले कि इधा का डेऊ पेछ़ुई समुंदरा लै! इहअ बी जाणअ हई।

ज़ुंण खास्सै मणछ आजू-पिछ़ू हांढदै तै लागै दै, तिंयां लागै ज़ोरै-ज़ोरै बोल्दै, “राज़ै दाबेदे लुआदे ज़ै-ज़ैकार, परमेशर ज़ुंण स्वर्गै आसा, सह दैआ तेऊ लै बर्गत ज़ुंण तेऊए नाओंऐं एछा। परमेशरे ज़ै-ज़ैकार ज़ुंण स्वर्गै आसा।”

ईशू बोलअ तिन्‍नां लै, “पबित्र शास्त्रा दी आसा लिखअ द, ‘मेरअ घअर हणअ प्राथणां करनैओ भबन पर तम्हैं मणछै बणाईं अह ज़ैगा बणाईं च़ोरा-डाकू बेशणेओ डुआर।’”

“सियोन नगरी का बोला इहअ, ‘भाल़! तेरअ राज़अ आअ ताह सेटा लै, सह आसा शरीफ अर तेऊ करनी गाधे शुंआरी, सह एछणअ गाधीए बच्च़ै प्रैंदै बेशी।’”

ईशू बोलअ तिन्‍नां लै, “तम्हैं कै पबित्र शास्त्रा दी इहअ कधि निं पहल़अ, ‘ज़ुंण पात्थर राज़ मिस्त्री बृथा समझ़अ, सह पात्थर बणाअं परमेशरै खास कूणींए ज़ान? अह हुअ परमेशरे मरज़ी करै, अर हाम्हां का शुझिआ ईंयां गल्‍ला नुआहरी।’

“तैही बोला हुंह तम्हां लै कि परमेशरो राज़ करनअ तम्हां का दूर अर सह दैणअ होरी ज़ातीए इहै लोगा लै ज़ुंण परमेशरे साबै ज़िन्दगी ज़िऊए।