Popular Bible Verses from लूका 15

Share

“इहअ सोठी डेऊअ सह तिधा का आपणैं बाब सेटा लै। ज़ांऊं सह आपणैं घअरा नेल़ पुजअ, तेऊए बाबै हेरअ सह भाल़ी अर सह तेऊ फिरी तेऊ शोहरू भाल़ी झींण अर ठुर्हअ तेऊ सेटा लै संघा दैनी तेऊ लै पिड्डी मल़्हैची तेखअ लागअ तेऊ लै मल़्हैची दैंदअ।

किल्हैकि मेरअ अह शोहरू गअ त मुल्है मेरै बराबर हई, अह त लुक्‍कअ द अर ऐबै गअ अह भेटी। अह हुअ मरी करै ज़िऊंदै हणैं बराबर भिई ज़िऊंदअ।’ तिंयां लागै सोभ खुशी मनाऊंदै।

“हुंह बोला तम्हां का इहअ कि ठीक इहअ ई करै पापो प्राश्त करनै आल़ै पापी मणछे बारै बी हआ स्वर्गै एही ई खुशी, ज़ेतरअ कि तम्हां ज़िहै नडिनुंऐं धर्मीं मणछे बारै निं हंदी, ज़ुंण ऐबै पाप निं करदै!

मुंह डेऊणअ ऐबै आपणैं बाब सेटा लै बापस फिरी अर मुंह बोल़णअ आपणैं बाब लै इहअ कि बाबा, मंऐं किअ तेरी आछी दी अर तेऊ परमेशरे खलाफ पाप ज़ुंण स्वर्गै आसा।

तेखअ बोलअ तेऊ शोहरू, ‘बाब, मंऐं किअ तेरी आछी अर तेऊ परमेशरे खलाफ पाप ज़ुंण स्वर्गै आसा। ऐबै निं हुंह एता जोगी आथी कि तूह मुल्है आपणअ शोहरू बोली सके।’

“तम्हां मांझ़ै इहअ कुंण मणछ आसा कि ज़सरी शौ भेडा होए, तिन्‍नां मांझ़ै एक लुक्‍की दी होए अर सह रहा नडिनुंऐं भेडा छ़ाडी तैहा लुक्‍की दी भेडा लोल़अ तेभै तैणीं लागी, ज़ेभै तैणीं सह भेड़ भेटी निं जाए?