Popular Bible Verses from लूका 11

Share

ज़ै तम्हैं बूरै हई बी आपणैं शोहरू लै राम्बल़ी च़िज़ा दैई सका, तै थारअ स्वर्गे रहणैं आल़अ बाब परमेशर आपणैं मांगणै आल़ै लै पबित्र आत्मां किल्है निं दैई सकदअ।”

“हुंह बोला तम्हां लै कि मांगदै रहा लागी, तै जाणीं तम्हां सह गल्‍ल भेटी ज़ेता तम्हैं मांगा। दुआरा रहा टोक्‍कदै लागी अर सह दुआर जाणअ तम्हां लै खुल्ही।

किल्हैकि ज़ुंण मांगा तेऊ लै हेरा दैई अर ज़ुंण लोल़ा तेऊ जाआ भेटी। अर ज़ुंण दुआरा टोक्‍का तेऊ लै हेरा दुआर घुआल़ी।

ईशू बोलअ तिन्‍नां लै, “ज़ेभै तम्हैं प्राथणां करे, तम्हैं करै एऊ साबै प्राथणां, बाबा, सोभी लोल़ी तेरै पबित्र नाओंए कदर किई अर तेरअ राज़ लोल़ी आअ।

म्हारै पाप कर माफ, ज़ेही हाम्हैं बी होरी लै माफी छ़ाडी ज़ुंणी हाम्हां लै ज़ुल्म किऐ। हाम्हां लै निं खरी दैई पल़णै।”

हर धैल़ै दै हाम्हां लै बैल़ी-क्लारी ज़ेते हाम्हां ज़रुरत आसा।

“तेरी देहीओ दीअ आसा तेरी आछ। ज़ै तेरी आछ ठीक होए, तै हणीं तेरी सारी देही प्रैश्शी। पर ज़ै तेरी आछ खोईए तै हणीं तेरी सारी देही न्हैरी।

“इहअ निं कोह आथी ज़ुंण दीअ ज़ाल़ी दरोठू भितरी डाहा कि पलगा हेठै डाहा पाई, तेता डाहा दीअदानी दी उछ़टै ताकि सारै घअरा भितरी एछणैं आल़ै लै प्रैश्शअ होए।