Popular Bible Verses from लूका 10

Share

भाल़ा, मंऐं दैनअ तम्हां लै दानुईं अर बिंच़ू जैंटणेंओ, अर दुशमणे सारी शगती दी हक अर थारअ निं किछ़ी करै बूरअ हणअ।

पर प्रभू बोलअ तैहा लै, “हे मार्था, तूह करा खास्सी गल्‍लो फिकर अर तेखअ थका तूह। पर एक गल्‍ल आसा ज़रूरी, अर सह बधिया भाग आसा मरिअमै छ़ांटअ द, ज़ुंण ऐहा का कोहै निं छ़ड़ैऊई सकदअ।”

तेऊ मणछै दैनअ ज़बाब, “तूह करै आपणैं परमेशर बिधाता लै आपणअ सारअ मन्‍न, प्राण अर सारी अक्ल अर सारअ ज़ोर लाई झ़ूरी। आपणैं साथी-संघी लै बी झ़ूरै तिहअ ई ज़िहअ तूह आप्पू लै झ़ूरा।”

तिन्‍नां छ़ाडणैं का आजी बोलअ तेऊ तिन्‍नां लै इहअ, “मुंह दी विश्वास करना लै आसा खास्सै मणछ न्हैल़ै लागै दै पर तिन्‍नां सेटा खुशीए समादा पजैल़णैं आल़ै आसा थोल़ै। तिंयां आसा एही खास्सी फसला ज़िहै ज़ुंण लऊंणा लै गई हई पर लऊंणै आल़ै आसा थोल़ै। एता लै करा खेचे मालका का अरज़ कि होर मज़दूर छ़ाड।

तेखअ पुछ़अ ईशू तिन्‍नां का, “ऐबै थारी समझ़ा दी अह ज़ुंण डाकू ज़खमी किअ थिअ, इना चिई मांझ़ै कुंण आसा एऊ नेल़ रहणैं आल़अ शुचअ साथी?” तेऊ दैनअ ज़बाब, “सह ई आसा ज़ुंणी तेऊ लै झींण किई।” ईशू बोलअ, “तूह बी कर इहअ ई।”

“डेओआ, मंऐं लाऐ तम्हैं भेडा ज़िहै धेल़णै-च़िरनैं आल़ै रुहले छ़ुंढा जैंदरी छ़ाडी।