Popular Bible Verses from ज़ैहसू 14

Share

“ज़िहै ज़ोर-ज़ाहण मुंह पंजताल़ी साला आजी तधू थिऐ ज़धू हुंह मोसा सैणअ बणाईं भेख लंदअ छ़ाडअ थिअ, हुंह आसा आझ़ बी ज़ाथी तिहअ ई ज़ोर ज़ाहणा आल़अ। मुंह दी आसा आझ़ बी तिहअ ई बल कि हुंह सका जुध अर सोभ काम आझ़ बी राम्बल़ै करी।

ऐबै दै तेऊ धारा बाखे मुल्खा मुल्है ज़ेते बारै बिधाता मुल्है तधू ज़बान आसा दैनी दी ज़धू हुंह एऊ देशो भेद लई बापस पुजअ त। मंऐं खोज़ी ती तम्हां का तधू गल्‍ला कि तेथ रहा बडै-बडै दैंत्तर मणछ ज़हा लै अनाकी बोला अर तेथ नगरी बी आसा बडी अर फेर फिरदी आसा उछ़टी-उछ़टी दुआली। इहअ बी सका हई कि बिधाता तिन्‍नां तेऊ देशा का पोर्ही काढणा मेरी मज़त करे ज़ेही तेऊ ज़बान आसा दैनी दी।”

पर ऐबै भाल़ तूह आप्पै, ज़धू बिधाता ईंयां गल्‍ला आपणैं दासा मोसा का बोली, तधा ओर्ही गई आझ़ तैणीं पंजताल़ी साला हई। अह त सह बगत ज़धू इज़राईली रेगीस्ताना बाती तै लागै दै आजू हांढदै अर ज़िहअ बिधाता बोलअ त, तेऊ डाहअ हुंह आझ़ तैणीं ज़िऊंदअ अर मेरी अमर गई आझ़ पजैस्सी साले हई।