Popular Bible Verses from जेरमयाह 17

Share

पर तिन्‍नां मणछा लै दैणीं मुंह बर्गत ज़ुंण मेरै आसरै रहा। मुंह दी भरोस्सै डाहणैं आल़ै मणछा लै दैणीं मुंह सोभ भली गल्‍ला। सह मणछ आसा इहै बूटा ज़िहअ ज़ुंण गाडे बाढै आसा लागअ द, तेऊ बूटे ज़लैल़ै हआ गाडा पाणीं जैंदरी पुजै दै। तेऊ निं शुक्‍कै अर गरमींए धैल़ै फिकर हंदअ अर सह रहअ सदा हरअ ई हरअ। तेऊ निं तेभै बी किछ़ फिकर हंदअ ज़ेभै सरग निं हुअ, तेथ लागा तेभै बी राम्बल़ै फल़।

मणछे मन्‍न आसा सोभी च़िज़ा का खास्सअ छ़ल़-कपट करनै आल़अ। तेथ आसा एही बमारी ज़ुंण बिज़री निं सकदी। तेता निं कोहै समझ़ी सकदअ!

मणछे मना परखा हुंह बिधाता, तेथ लोल़ा हुंह। हुंह दैआ मणछा लै तेऊ साबै फल ज़ेऊ साबै तिन्‍नैं आपणीं ज़िन्दगी ज़िऊई। हुंह दैआ तिन्‍नां लै तेही बर्गत ज़िहै तिन्‍नैं कर्म किऐ।”

बिधाता बोला इहअ, “ज़ुंण मुंह छ़ाडी मणछे आसरै रहा, तिन्‍नां लागणअ मेरअ फिटक। तिंयां आसा मणछे ज़ोरे भरोस्सै अर तिन्‍नों दिल आसा मुखा कबाता पेठअ द। सह मणछ आसा उज़र रेगीस्तानै मछैंऐं दै बूटा ज़िहअ, अर सह आसा एही खारी ज़ैगा लागअ द ज़ेथ किछ़ निं पज़दअ। तेऊ मणछा लै निं किछ़ै भलअ हणअ।

बिधाता, तूह कर मुंह नरोगै, तै जाणअ पठी बिज़री, तूह बच़ाऊ मुंह तै जाणअ हुंह बच़ी। सह आसा तूह ज़सरी हुंह स्तोती करा।