Popular Bible Verses from जेरमयाह 14

Share

कोही देशे देअ-देबी निं कोहै सरग बरशाऊई सकदै, नां सरग आप्पै पाणीं बरशाऊई सकदअ, हाम्हैं आसा तेरै आसरै रहै दै, हे बिधाता, तूह आसा म्हारअ परमेशर, सह आसा तूह ज़ुंण इना सोभी गल्‍ला करा।”

मेरी परज़ा आसा मुखा एही लेर-पकार पांदै लागै दै, ‘बिधाता, म्हारै पाप दैआ ताह सेटा म्हारी शाजत, ऐबै कर तूह म्हारी मज़त ज़िहअ तंऐं बोलअ द आसा। हाम्हैं रहै कबल्‍लै ताखा कबाता डेऊंदै लागी अर हाम्हैं किअ ताल्है पाप।

बिधाता, हाम्हैं किअ ताल्है पाप, हाम्हैं मना कि हाम्हैं किअ पाप अर म्हारै दादै-बाबै बी किअ पाप। तेरै नाओं अदर लोल़ी हुअ, तूह निं हाम्हां बाखा लै पिठ फरेऊई। एरुशलेम तेरै भबना दी तेरै प्रतप्पी आसने इज़त निं लोल़ी घटी। तैहा करारा कर आद ज़ुंण तंऐं हाम्हां संघै आसा किई दी। ज़ीबाण, तैहा करारा निं तूह चोल़ी आथी।