Popular Bible Verses from ईशायाह 65

Share

ज़ेतरी तिंयां अरज़ करी निं मुक्‍कणैं तेता का आजी हेरनअ मुंह तिन्‍नें गल्‍लो ज़बाब दैई।

बिधाता बोलअ इहअ, “मुंह बणाईं नऊंईं पृथूई अर नऊंअ भ्रमंड। ज़ुंण बी एता आजी थिई, तिंयां बिस्सर्नी पठी।

तिंयां हणैं आपणैं हर कामां लै सफल अर तिन्‍नें लान्हैं-सुन्हैं लै निं आफ़त पल़णीं। मुंह दैणीं तिन्‍नां अर तिन्‍नें आद-लुआदा लै पोस्ती दर पोस्ती बर्गत।

मेरी परज़ा बणाणैं घअर संघा रहणैं तेथ बस्सी, तेथ निं कहा होरी कबज़अ करी बस्सणअ। तिन्‍नां लाणैं दाखे बाग संघा हणअ तिन्‍नां आप्पू लै बतेर्हअ दाखो रस झुटणा लै, सह बी निं तिन्‍नां का होरी लाअ छ़ड़ैऊई। मेरी परज़े अमर हणीं डाल़ा-बूटा ज़ेही खास्सी। ज़हा बी च़िज़ा लै तिंयां मैन्थ करे सह भेटणीं तिन्‍नां राज्ज़ी-मौज़ी खाणीं।

होछ़ै लान्हैं निं बाल़ी अमरा मरनै, लोग रहणैं खास्सी प्रोढी अमरा तैणीं ज़िऊंदै। शौआ साले मणछ बी हणैं खारकै ज़िहै। ज़ुंण तेता का आजी मरे, सह हणअ ऐहा गल्‍लो नछ़ैण कि मंऐं दैनी तिन्‍नां लै सज़ा।

रुहलै अर मिम्मूं हणैं कठा च़रदै लागै दै, सिहा बी खाणअ बल्दा ज़िहअ भुखलअ, तेखअ निं सर्प झ़रीलअ हणअ। मेरी पबित्र धारा सियोन निं हान्‍नी करने किछ़ च़ीज़ हणीं अर नां किज़ै बूराई हणीं। अह गल्‍ल डाही मंऐं बिधाता बोली।”

हुंह आप्पू बी हणअ एरुशलेम नगरी अर तेते परज़ा करै खुश। तेथ निं तेखअ कधि लेर-पकार अर दुख-तकलिफी हणीं।