1
ईशायाह 60:1
बाघली सराज़ी बोली दी पबित्र शास्त्र
OSJ
एरुशलेम, खल़ी उझ़ू संघा च़मक सुरज़ा ज़ेही, ताह प्रैंदै आसा बिधाते प्रतप्पो झ़ामण लागअ द!
Compare
Explore ईशायाह 60:1
2
ईशायाह 60:3
देश-देश एछणैं तेरै प्रैश्शै नेल़ अर राज़ै-राज़ै एछणैं तेरै नऊंईं धैल़ीए प्रैश्शै दी।
Explore ईशायाह 60:3
3
ईशायाह 60:2
होर देश आसा न्हैरै दी पेठै दै, पर ताखा लागणअ बिधाते प्रैश्शैओ झ़ामण, बिधातो प्रतप्प हणअ ताह दी प्रगट।
Explore ईशायाह 60:2
4
ईशायाह 60:22
तिन्नां मांझ़ै धख ज़िहै टबरा आल़अ बी हणअ आजू एक महान अर बलबान देश। ज़ेभै तेतो बगत एछणअ, तेभै दैणअ मुंह इहअ झ़ट च़ारै हणैं। हुंह आसा बिधाता!”
Explore ईशायाह 60:22
5
ईशायाह 60:19
तेखअ निं ताह धैल़ीए प्रैश्शै लै सुरज़े धुप्पे ज़रुरत हणीं अर नां राचीए प्रैश्शै लै ज़ोथे ज़रुरत हणीं, ताल्है हणअ हुंह बिधाता प्रैश्शअ, ताह दी हणअ मेरै प्रतप्पो धुप्पअ।
Explore ईशायाह 60:19
6
ईशायाह 60:20
तेखअ हणीं तेरी दुख तकलिफीए धैल़ी खतम, ताल्है हणअ हुंह बिधाता सदा प्रैश्शअ, ज़ुंण सुरज़ अर ज़ोथा का खास्सअ सदा रहणअ।
Explore ईशायाह 60:20
7
ईशायाह 60:5
तूह हणीं एता भाल़ी नाच़णै जोगी खुश, ताह छ़ुटणीं भितरा का खुशी दी काम्मणीं, देशा-देशे धन-माया आणनीं ताह सेटा लै, दूर-दूर समुंदरे खज़ानै बी एछणैं ताह सेटा लै।
Explore ईशायाह 60:5
8
ईशायाह 60:4
फेर दै भाल़णीं अर भाल़ कि किज़ै आसा हंदअ लागअ द, तेरी परज़ा आसा घअरा लै फिरी एछणा लै झाल़्हदै लागै दै! तेरै शोहरू-माठै एछणैं दूरा-दूरा का फिरी, तेरी शोहरी दैणीं होछ़ै लान्हैं ज़ेही भोसल़ै च़की ताह सेटा पजैल़ी।
Explore ईशायाह 60:4
9
ईशायाह 60:21
तेखअ हणीं तेरी सोभ परज़ा धर्मीं, अर तिंयां रहणैं ऐहा ज़ैगे सदा मालक बणी। तिंयां आसा बुटी ज़िहै मंऐं रोहै दै अर मंऐं आपणैं हाथै बणाऐं दै ताकि सोभी लै मेरअ प्रतप्प प्रगट होए।
Explore ईशायाह 60:21
10
ईशायाह 60:18
तेखअ निं उपद्रभ अर ज़ुल्म करने गल्ला शुण्हनी, तेरै देशै निं बरैबादी अर लुट-घशिट्टे गल्ला भिई हणीं। मुंह करनीं उछ़टै गहल़े दुआली ज़ेही तेरी फाज़त, ताह करनीं मेरी ज़ै-ज़ैकार किल्हैकि मंऐं बच़ाऊई तूह।
Explore ईशायाह 60:18
11
ईशायाह 60:11
तेरी नगरीए प्रऊल़ी रहणीं धैल़-राच घुआल़ी, ताकि देशा-देशे राज़ै एछे अर ताह सेटा लै आपणीं धन-माया आणे।
Explore ईशायाह 60:11
12
ईशायाह 60:6
मिद्यान अर एपा देशा का एछणैं ऊँटे बडै-बडै छ़ुंढ। तिन्नां दी आणनैं शेबा मुल्खे लोगा सुन्नअ अर लोवान लादी। लोगा खोज़णीं खुशीए खबर कि बिधाता किज़ै-किज़ै किअ!
Explore ईशायाह 60:6
13
ईशायाह 60:10
बिधाता बोला एरुशलेम नगरी लै इहअ, “परदेसी मणछा च़िणनै ताह फेर-फिरदै गहल़ भिई, तिन्नें राज़ै करनीं तेरी च़ाकरी। मंऐं दैनी रोश्शै ताल्है सज़ा, पर ऐबै आसा हुंह ताखा खुश अर ऐबै लागी मुंह तेरी झींण।
Explore ईशायाह 60:10
14
ईशायाह 60:15
ऐबै निं तूह आजू छ़ाडी दी अर एही रहणीं ज़हा लै नफरत करा, नां तूह शुन्नीं अर उज़र रहणीं। तूह बणाणीं मुंह शोभली अर महान एही ज़ैगा ज़ेथ पोस्ती दर पोस्ती नंद रहणीं।
Explore ईशायाह 60:15
15
ईशायाह 60:16
देश-देश अर राज़ै-राज़ै धाचणै ताह इहै ज़िहै माआ आपणैं दुध झुटणैं आल़ै शोहरू धाचा। तेखअ लागणअ ताखा थोघ कि मंऐं बिधाता आसा तूह बच़ाऊई दी अर मंऐं याकबे महान परमेशरै किई तूह आज़ाद ज़हा का सारअ बल आसा।
Explore ईशायाह 60:16