Popular Bible Verses from ईशायाह 59

Share

पर थारै पापा करै हुऐ तम्हैं परमेशरा का दूर। तेता पिछ़ू आसा तेऊ तम्हां बाखा पिठ फरेऊई दी अर तैही निं सह थारी शुणदअ।

तम्हैं निं बिधाता इहअ घट समझ़ा कि तेऊ निं तम्हां बच़ाऊंणै जोगी ज़ोर आथी अर नां तेऊ टौणैं समझ़ा कि सह निं थारी अरज़ शूणीं सकदअ!

ज़ुंण करार मुंह बिधाता तिन्‍नां संघै करनी सह आसा एही, ‘मंऐं दैनी आपणीं आत्मां अर शिक्षा कि तिंयां सदा थारी होए। एभा पोर्ही करा तम्हैं ज़िहअ हुंह बोला तिहअ ई अर आपणैं शोहरू, पोचै, पल़पोचै अर पोस्ती-दर पोस्ती बी करै आपणीं आद-लुआदा लै शिक्षा दैई कि तिंयां सदा ज़िहअ हुंह बोला तिहअ करै।’”

तेखअ करनअ पछ़मा बाखे लोगा बी बिधातो अदर। पुर्बा बाखे मणछा करनी तेऊओ महान प्रतप्प भाल़ी तेऊए स्तोती। बिधाता एछणअ बडै दरैऊआ अर बागरीए ढिश-डुआल़ै ज़िहअ।

बिधाता बोला आपणीं परज़ा लै इहअ, “मुंह छ़ाडणअ एरुशलेम नगरी लै थारअ उद्धार करनै आल़अ, ताकि सह तिन्‍नां मोलै दैई बापस लऐ ज़ुंण पाप करनअ छ़ाडा।