Popular Bible Verses from ईशायाह 44

Share

किल्हैकि मुंह बरशाऊंणअ रुखी ज़ैगा लै पाणीं अर शुक्‍की ज़ैगा काढणीं मुंह पाणींए गाडा। थारै लान्हैं लै पाणीं मुंह आपणीं आत्मां अर थारी आद-लुआदा लै दैणीं मुंह खास्सी बर्गत।

इज़राईली प्रैंदै करा स्वर्गे सारी सैनो मालक बिधाता राज़, तिन्‍नें फाज़त बी करा सह ई। बिधाता ज़हा का सारी शगती आसा, सह बोला इहअ, “सोभी का आजी आसा हुंह अर खिरी बी रहणअ हुंह ई, मुखा सुआई निं होर कोहै परमेशर आथी।

मंऐं किऐ थारै पाप सरगै बादल़ा ज़िहै दूर। तम्हैं एछा मुंह सेटा फिरी, सह आसा हुंह ई ज़ुंणी तम्हैं बच़ाऊऐ।”

तम्हैं मेरी परज़ा निं डरी आथी! तम्हां का आसा पैहलकै ज़मानै ओर्ही आझ़ तैणीं थोघ कि मंऐं त पैहलै ई हेरअ द बोली कि आजू हणअ इहअ अर तम्हैं आसा ऐहा गल्‍ले मेरै शाजत। तम्हैं भाल़अ कि मुंह सुआई कुंण होर परमेशर आसा बी? ज़ाथी निं कोह आथी! मुखा सुआई निं होर टोल्ह ई आथी। ज़ाथी निं मंऐं एकी देअए बारै बी शूणअ।”

हुंह आसा सह बिधाता ज़ुंणीं तम्हैं बणाऐं दै आसा, हुंह आसा थारी माए ओदरा ओर्ही तम्हां सभाल़दअ लागअ द। तम्हैं निं डरी आथी, तम्हैं आसा मेरै दास, मंऐं आप्पू लै छ़ांटी दी परज़ा ज़हा लै हुंह खास्सअ झ़ूरा।