Popular Bible Verses from ईशायाह 33

Share

बिधाता हणअ तिन्‍नें सारी ज़िन्दगी लै पाक्‍की आथरी ज़िहअ। तेऊ डाहणीं आपणीं परज़ा सदा बच़ाऊई अर तेऊ दैणीं तिन्‍नां लै अक्ल अर ज्ञैन। बिधाते डअर हणीं तिन्‍नां लै खज़ानै ज़ेही।

बिधाता, हाम्हां लै कर झींण। हाम्हैं आसा तेरै आसरै। हाम्हां लै कर धैल़ ज़ोर-ज़ाहण दैई अर ज़ेभै हाम्हां लै आफ़त पल़े, तेभै बच़ाऊऐ हाम्हां तूह ई।

किल्हैकि म्हारअ नसाफ करनै आल़अ आसा बिधाता, हाम्हां प्रैंदै राज़ करनै आल़अ राज़अ आसा सह ई अर तेऊ डाहणैं हाम्हैं बच़ाऊई। तिन्‍नां सोभी ज़हाज़े राश्शी हुई ढिल्‍ली, ज़हाज़ निस्सअ आजू हांढी, हाम्हां छ़ड़ैऊंणी दुशमणा का तिन्‍नें धन-माया पठी संघा बांडणी आप्पू मांझ़ै। सह हणीं एतरी खास्सी कि लाट्टै मणछा बी भेटणअ तेता मांझ़ै हेस्सअ।

पर सह जाणअ बच़ी ज़ुंण धर्मीं होए अर शुची गल्‍ला बोला, ज़ुंण रैनै-गरीबा लुटदअ निं आथी अर ज़ुंण रेशपत निं खांदअ, ज़ुंण हत्या करनै आल़ै अर ज़ुल्म करनै आल़ै का दूर रहा। तिंयां रहणैं राज्ज़ी-राम्बल़ै, तिंयां हणैं उछ़टी धारा गहल़ै बस्सै दै मणछा ज़िहै। तिन्‍नां निं रोटी-पाणींए किछ़ै निऊल़ हणीं।