Popular Bible Verses from ईशायाह 11

Share

बिधाते आत्मां दैणीं तेऊ लै आपणीं परज़ा प्रैंदै राज़ करना लै अक्ल अर सोर समझ़। तेऊ नऊंऐं राज़ै का हणअ बिधातो थोघ अर तेऊ करनअ तेऊओ अदर। सह रहणअ बिधातो हुकम मनणा लै खुश। तेऊ निं सिधअ मणछो मुंह भाल़ी अर लोगे गल्‍ला शूणीं नसाफ करनअ।

ईशैईए शोहरू राज़ै दाबेदो खिंब आसा काटै दै बूटे डुंघा ज़िहअ, ज़ेही डुंघा का नऊंईं प्लीर निखल़ा, तिहअ ई निखल़णअ राज़ै दाबेदे आद-लुआदा मांझ़ै एक नऊंअ राज़अ।

तेऊ करनअ रैनै-गरीबो शुचअ नसाफ, तेऊ दैणअ हंतै दै मणछा लै नसाफ। ज़ांऊं तेऊ हुकम करनअ, लोगा भेटणीं सज़ा, अर कदुष्ट मणछ करनै तेऊ खतम।

तेऊ करनअ लोगा प्रैंदै धर्म अर शुचअ नसाफ डाही राज़।

सियोन पबित्र धारा निं कोही ज़ीबा लै अर कोही लै किछ़ हान्‍नी अर बूरअ हणअ। ज़िहअ समुंदर पाणीं करै हआ भर्हुअ द, तेही हणीं धरती तिन्‍नां मणछा करै भरी ज़ुंण बिधातो अदर करा।

तेऊ ज़मानै रहणैं तेऊए राज़ा दी रुहलै अर भेडा कठा, च़राघ बेशणअ छ़ेल्हू संघै। बाछ़ू, सिह अर बल्द रहणैं संघा अर तिंयां छ़ेल़्हणै होछ़ै ज़िहै लान्हैं तोही।

एक बगत एछणअ इहअ कि ज़हा लै ईशैईओ ज़लैल़अ बोला, सह हणअ फ्रहरै ज़िहअ, कि सह सोभी देशा कठा करे। तिंयां एछणैं तेऊ सेटा। तिन्‍नां करनअ ज़िहअ सह बोले तिहअ अर तेऊओ आपणअ देश हणअ खास्सअ मशूर।