Popular Bible Verses from इब्रानी 4

Share

किल्हैकि परमेशरो बैण आसा ज़िऊंदअ, शगती आल़अ अर दुही बाखा तिछी तलबारा का बी तिछअ। सह करा आत्मां, प्राण, गांठ-गांठ अर हर ज़ोल़ ज़ुदै करी छ़िन्ह-बिन्ह। सह हेरा मन्‍नें गल्‍ला अर म्हारी सोठ परखी।

एछा, हाम्हां करनी हिम्मत संघा डेऊणअ तेऊ मसीहा नेल़, ज़ुंण स्वर्गे राज़गाद्दी का राज़ करा। तेऊ किई हाम्हां लै एही झींण ज़ेते हाम्हैं हकदार बी नांईं तै आथी। म्हारी खरीए पलका रहणअ सह मसीहा ई हाम्हां लै झणैल़ू अर म्हारी मज़त बी करनी तेऊ ई।

किल्हैकि म्हारअ माहा प्रोहत ईशू मसीहा रहा म्हारै दाह-दुखा दी हाम्हां संघै, सह परखअ सोभी गल्‍ला लै हाम्हां ज़िहअ, पर तैबी निं तेऊ दी एक पाप बी निखल़अ।

कोहिए निं एही किछ़ै गल्‍ला आथी ज़ुंण तेऊ का थोघ निं आथी ज़ुंण हाम्हां तेऊ का खोज़णीं लागे कि हाम्हैं आपणीं ज़िन्दगी दी किज़ै किअ, तेऊए आछी सम्हनै आसा सोभै गल्‍ला घुआल़ी अर प्रगट।

ईशू ज़ुंण स्वर्गा लै डेऊअ सह आसा परमेशरो पूत। सह आसा हाम्हां सोभी लै माहा प्रोहत। तैही एछा, हाम्हां रहणअ तेऊए विश्वासा दी पाक्‍कै टेक्‍की ज़ुंण हाम्हैं सोभी नदरी मनअ।

तैही करा तैहा बशैघे ज़ैगा पुजणें मैन्थ, तिन्‍नां ज़िहअ निं कोहै करी ज़ुंणी परमेशरे गल्‍ला शूणीं नां शूणीं किई। तै सका हाम्हैं बशैघे ज़ैगा पुजी।