Popular Bible Verses from लुआह 20

Share

“हुंह आसा थारअ परमेशर सह बिधाता ज़ुंणी तम्हैं मिसर देशे गलामी का आणै छ़ड़ैऊई। “मुंह छ़ाडी निं कहा होरी आपणअ परमेशर मनी।

“सरगै, पृथूई या धरतीए पाणीं दी निं तम्हैं कोहिए शक्ला ज़ेही मुहुर्ती या मैहरै बणाईं। नां तिन्‍नां मुहुर्ती अर मैहरे पूज़ा करी अर नां तिन्‍नां सेटा माथअ टेक्‍की। थारअ परमेशर आसा हुंह बिधाता अर हुंह च़ाहा इहअ कि तम्हैं लोल़ी सिधै मेरै हुऐ। ज़ुंण मुल्है नफरत करा, तिन्‍नां लै दैआ हुंह सज़ा। तिन्‍नें लागा शोहरू, पोचै, पल़पोचै अर च़ौथी पोस्ती तैणीं आपणैं दादा-बाबे सज़ा भुगतणी।

“आपणैं ईजा-बाबो करै अदर, तेता करै हणीं थारी तैहा ज़ैगा खास्सी अमर ज़ुंण ज़ैगा मुंह बिधाता तम्हां लै दैणीं।

“ऐहा गल्‍ला डाहै तम्हैं आद कि बशैघे धैल़ी आसा मुंह बिधाता लै पबित्र।

“मेरै नाओंआं निं तम्हैं कज़ेही लई, हुंह आसा थारअ परमेशर बिधाता, ज़ुंण मेरअ नाअं कज़ेही लआ, तेऊ लै दैआ हुंह सज़ा।

“तम्हां लै आसा होरी कामां करना लै हर हबते छ़ह धैल़ै, पर हर हबते सातुई धैल़ी आसा मुंह थारै परमेशर बिधाता लै बशैघ। ऐहा धैल़ी निं तम्हैं कोह किछ़ै काम करी, नां तम्हैं, नां थारै शोहरू-माठै, नां थारै गलाम, नां थारै डागै धअण अर नां कुंण पाखलअ परदेसी ज़ुंण थारी नगरी रहा।

“होरीए च़िज़ो मांण निं करी कि सह लोल़ी तम्हां भेटी। नां कसरै घअरो, नां कसरी बेटल़ी-मर्धो, नां कसरै गलाम, नां कसरै बल्द, गाधै अर नां कसरी किज़ू होरी च़िज़ो मांण करी।”

“होरीए बारै निं झ़ुठी शाजत दैई।

“आपणीं बेटल़ी छ़ाडी होरी संघै सुत्ती कंज़रैई निं करी।

“हत्या निं करी।

“च़ोरी निं करी।