1
ज्ञैन 9:10
बाघली सराज़ी बोली दी पबित्र शास्त्र
OSJ
तम्हां ज़िहअ बी काम करे, तेथ करनी खास्सी मैन्थ। ज़िधा लै तम्हां मरी करै डेऊणअ, तेथ निं तेखअ किछ़ै काम हंदअ, नां सोठ हंदी, नां ज्ञैन, नां थारी अक्ल अर नां थारअ सज़ाण हणैंओ कोई मतलब आथी।
Compare
Explore ज्ञैन 9:10
2
ज्ञैन 9:11
मंऐं शिखल़ी एऊ संसारै एक होर गल्ल बी: नां खास्सै ठुर्हनै आल़ै कबल्लै ज़ितदै अर नां जुधा लै शूर-बीर कबल्लै जुध ज़ितदै, नां अक्ली आल़ै कबल्लै ज़िन्दगी दी सफल हंदै, नां खास्सै समझ़कार कबल्लै सेठ हंदै अर नां ज़ाण-प्रबीण मणछा कबल्ली बडी पदबी भेटदी। ईंयां हआ सोभै मोक्के गल्ला अर खराब किसमत हआ सोभिए।
Explore ज्ञैन 9:11
3
ज्ञैन 9:9
ज़िन्दगी आसा धख ज़ेही, आपणीं लाल़ी लै झ़ूरनअ खास्सै अर तैहा संघै रहणअ राज्ज़ी-मौज़ी। एऊ संसारे बृथा आफ़ता जैंदरी आसा बेटल़ी ई थारी मैन्थो पुआज़अ।
Explore ज्ञैन 9:9
4
ज्ञैन 9:7
तैही बोला हुंह कि खुश रहा, खाई-पिई रहा राज्ज़ी-मौज़ी! बिधाता बी आसा एता लै राज्ज़ी।
Explore ज्ञैन 9:7
5
ज्ञैन 9:18
अक्ल हआ अस्त्र-शस्त्रा का बलबान, पर एक गलती सका थारी सोभी भलाई बरैबाद करी।
Explore ज्ञैन 9:18
6
ज्ञैन 9:17
अक्ली आल़ै मणछे सुलै करै बोलै दै बैण हआ सभा दी ज़ोरै-ज़ोरै बोली ऐडी गल्ला का राम्बल़ै।
Explore ज्ञैन 9:17
7
ज्ञैन 9:5
हाम्हां सोभी का आसा थोघ कि एकी धैल़ै लागणअ हाम्हां मरनअ ई, पर मुल्दै का निं किछ़ै थोघ हंदअ अर नां तिन्नां किज़ै होर च़ाल्लअ भेटी, तिंयां गऐ डेऊई अर नां तिंयां कहा आद रहणैं।
Explore ज्ञैन 9:5
